My Blog

Kampay ng alon sa batuhang dalampasigan,

bumubulwak, sumisirit.

Tila nagsusumamo.

Pumipiglas, nanunukso.

At sa kisap-mata’y biglang

wala.

Ano ang kaligayahan kundi isang dagat ng kawalan?

Hawiin ang agiwang isip.

Puksain ang daga sa dibdib.

Isangtabi ang halinghing ng habagat at sa muli’y

lumaban.

Umasa.

Manalig.

Pandayin ang bukang-liwayway sa panaginip

na kanina lamang isiniwalat

ng iyong

paghihimbing.